Romance (litteratura)
Un romance esse un obra de fiction narrative de longor considerabile, generalmente scripte in prosa e publicate qua un libro.[1] Secundo Margaret Doody, le romance habe “un historia continue e comprehensive de circa duo milles annos”, con su origines in le romance roman e grec, in le litteratura cavalleresc medieval e in le tradition del novella del Renascentia.[2] Le forma del romance antique esseva resuscitate per le romanticismo, in le romances historic per Walter Scott e le romance gothic.[3]
Romance moderne
[modificar | modificar fonte]Herede del epopeia, le romance moderne esse typicamente un genere narrative, assi como le novella e le conto.
Le distinction inter romance e novella non esse clar, sed on sole definir que in le romance il habe un parallelo de varie actiones; in le novella, in vice, il habe un concatenation de actiones individualisate. In le romance, un personage pote esser introducte in le medio del historia e evanescer post complir su function. Un altere distinction importante esse que in le romance le final esse un debilitation de un combination e ligamine de elementos heterogenee, e non lor culmination.[4] On debe etiam notar que le romance deveniva le genere preferite solo a partir ab le romantismo, e pro hoc le termino “romance” esse adhuc associate a isto.
Don Quixote de La Mancha, scripte in le principio del seculo XVII, esse generalmente considerate ut le precursor del romance moderne.[5] In le essayo de parodiar le romance cavalleresc, Miguel de Cervantes non scribeva solmente un del magne classicos del litteratura, sed etiam ille adjuvava a establir le genere que velle reimplaciar le epopeia, le qual, jam agonisante, evanescerea in le seculo XVIII con le advento del revolution industrial. Le romance esse, secundo Hegel, le epopeia burgese moderne.[6]
In 1936, le Statos Unite viveva le epocha classic del cinema sonor. Ante que le cinema incipeva a influentiar le romance, il esseva romances que soleva influentiar films. Dum le decades 1930 e 1940, le industria cinematographic privilegiava films narrative, e plure romanceros importante esseva contractate per studios cinematographic pro scriber scenarios. Scott Fitzgerald esseva le prime scriptor a perciper que le romance esseva in le processo de esser supplantate per le cinema, quamquam ille continuava credente que, sicut le arte, le romance velle semper esser superior.
Vide etiam
[modificar | modificar fonte]Referentias
[modificar | modificar fonte]- ↑ "Novel", A Glossary of Literary Terms (9th Edition), M. H. Abrams and Geoffrey Gall Harpham, Wadsworth Cengage Learning, Boston, 2009, p. 226.
- ↑ Margaret Anne Doody, The True Story of the Novel. New Brunswick, NJ: Rutgers University Press, 1996, rept. 1997, p. 1. Retrieved 25 April 2014.
- ↑ J. A. Cuddon, Dictionary of Literary Terms & Literary Theory, ed., 4th edition, revised C. E. Preston. London: Penguin, 1999, pp. 76o-2.
- ↑ Costa, Sérgio Roberto (2008). Dicionário de gêneros textuais. Autêntica Editora, 207.
- ↑ "Rumo a uma poética da personagem cervantina. Reflexões sobre a construção do personagem no 'Quixote'." In Dom Quixote: a letra os caminhos VIEIRA, Maria Augusta da Costa (org.). São Paulo: Edusp, 2006; p. 212.
- ↑ MOISÉS, Massaud. Dicionário de termos literários. São Paulo: Cultrix, 1974, p.400.
