Razzie Awards

C'l artìcul chè 'l è scrit in Miranduléś

I Razzie Awards, cgnusû anc cuma Golden Raspberry Awards o anc sōl cuma Razzies, i èṅ di prèmi cinematugràfic ch'i vìnan dâ a i atōr, a i film, a i regìsta e a 'l senegiadùri più lòfi dla stagiòṅ d'l an prima, in cuntrapuśisiòṅ a i Prèmi Òscar.

La serimògna 'd premiasiòṅ la s tîṅ tut i an da 'l 1981 in avànti a Hollywood su inisiatìva dal giurnalìsta John J. B. Wilson.

'L atōr ch'l à vins più vòlti i Razzies 'l è Sylvester Stallone (dódas su trènta e pasa candidadùri), subìt dòp a gh'è Adam Sandler che p'r al film Jack e Jill al 'l à vins dó vòlti, cuma óm e cuma dóna. In dal 2010 la Sandra Bullock l'à vins cal prèmi chè par l'atōra più trista in dla cumèdia A proposito di Steve mént'r al dè dòp l'à vins 'n Òscar p'r al drama The Blind Side.

Al sìmbul dal prèmi, un lampòṅ ad plàstica sprusâ 'd culōr òr su 'n ròtul ad pelìcula dal valōr ad gnanc sinc dòlar, 'l è stâ sarnì par via d'l espresiòṅ ingléśa “blowing a raspberry” ch'la vōl dir “far di bèc”.

Culegamènt estéran