فرعون موسى

فرعون موسى
معلومات شخصيه

تصانيف	شوف كمان
ملوك	فرعون موسى

فرعون موسى هو الحاكم اللي اتذكرت قصته في القرآن الكريم والتوراة واتصور على إنه ملك قوي جدا لكنه ظالم ومتكبر ورفض رسالة النبي موسى.

القصة مش مجرد حدث ديني لانها كمان نقطة بحث تاريخي كبيرة عند علماء المصريات، علشان يربطوا بين الروايات الدينية وبين اللي وصل لنا من اثار ونقوش ومن خلال دراسة التسلسل الزمني في التوراة وربطه بتاريخ مصر، ظهر إن الملك أمنحتب الثاني وهو كان حاكم من الأسرة 18 اللي أصلها من جنوب مصر هو الأقرب إنه يكون فرعون موسى.

الجدل حول هويه فرعون موسى

فرعون موسى كان رمز للأسلوب السلطوي الديكتاتوري في الحكم لانه شايف نفسه فوق البشر وبيتعامل مع الناس على إنهم عبيد في ملكه وبيرفض أي فكرة تخليه يخضع لسلطة أعلى وبيلجأ للعنف والقهر علشان يفرض قوانينه.

أمنحتب الثاني هو اقرب شخص ممكن يكون فرعون موسى لان تاريخه يتوافق مع زمن الخروج اللي ذكرته التوراة وكان معروف بقوته والشراسة الحربية وكان حاكم من الأسرة 18 اللي أصلها من جنوب مصر وفترة حكمه شهدت توترات وسط العمالة الأجنبية في مصر وعنده نقوش بتتفاخر بقتل وأسر أعداد كبيرة من الشعوب التابعة وده يتوافق مع قسوته ضد بني إسرائيل. والفترة اللي حكم فيها هي تقريبا العمر التاريخي الصحيح لزمن قصة موسى على حسب الحسابات الدينية.

اضطهاد بنى اسرائيل

فرعون موسى كان بيشوف بني إسرائيل اعداء جوا الدولة، ومع زيادة عددهم خاف منهم إنهم يقووا عليه ففرض عليهم أعمال شاقة في البناء والطوب وإذلال اجتماعي وديني وقتل الأطفال الذكور ومنظومة كاملة من القهر والعقاب وده اللي خلى النبي موسى يظهر كمنقذ ليهم.

مواجهه فرعون مع النبى موسى

النبي موسى دعا فرعون انه يسيب بني اسرائيل يعبدوا ربنا بحرية لكن فرعون كذب الرسالة واتهم النبي موسى بالسحر ورفض اي تنازل وضاعف العذاب على بني اسرائيل بدل ما يفكه وده خلى الصراع يتحول لمعركة ايمان.

الايات والمعجزات

ربنا أنزل على فرعون آيات ضخمة قدام عينه، منها تحول النهر لدم والضفادع والجراد والبعوض والظلام وموت الأبكار وكل مرة كانت بتنتهي بعناد أكبر لان قلبه كان مقفول من التكبر.

سحره فرعون

عدد كبير من العلماء والمؤرخين رجحوا إن كبار سحرة فرعون اتسمت على أسمائهم مدن وقرى في صعيد مصر مثل ملوي، ديروط، أسيوط، سمالوط، سوهاج، منفلوط، دشطوط، إسنا، قنا، أهناسيا، سمسطا، ببا، دشنا، طهطا، جرجا، فرشوط.

وكمان المؤرخين ومنهم المقريزي قالوا إن اصل سحرة فرعون كان من بلدة اسمها أنصنا في الصعيد، واللي كانوا بيسموها مدينة السحرة علشان كانت مشهورة بتعليم السحر في زمن المصريين القدماء ومنها فرعون جاب زعماء السحرة في يوم المواجهة قدام نبي الله موسى عليه السلام.

بلدة انصنا موجودة حاليا في مركز ملوي في محافظة المنيا في صعيد مصر.

نهايه فرعون

في اللحظة اللي النبي موسى عبر البحر بأمر ربنا فرعون راح وراه بكل جيشه وهو متخيل إن القوة اللي في إيده هتفضل تحميه لكن لما رجع البحر لمكانه كانت النهاية غرق فرعون وجنوده وده اقوى رمز لسقوط الظلم في التاريخ الديني.

سر غموض شخصيه فرعون موسى

رغم قوة الربط بين أمنحتب الثاني وفرعون موسى لكنه مش محسوم انه فرعون موسى بسبب ان المصريين مكنوش بيسجلوا الهزائم في نقوشهم وان العبرانيين كانوا طبقة فقيرة واثارهم قليلة وان الكوارث اللي بتسيء للحاكم بيتم محوها لكن كل الأدلة الزمنية والسياق السياسي بيرجحوا ارتباط فرعون الخروج بأمنحتب الثاني.

لينكات برانيه

لم يتم العثور على روابط لمواقع التواصل الاجتماعي.